წმიდა ნიკოლოზის შესახებ
20-12-2013, 18:57
წმინდა ნიკოლოზი შეგეწიოთ თქვენ და სრულიად საქართვე-ლოს!
ჩვენც უნდა ვისწავლოთ მოსმენა, ჩვენც უნდა ვისწავლოთ სხვისი კეთილი აზრის გაზიარება. თუ სხვა ადამიანი იტყვის ისეთ რამეს, რაც ჩვენს მოსაზრებებს სჯობს, საკამათო უკვე აღარაფერი უნდა იყოს და მისი შეხედულება უნდა გავიზიაროთ! ეს არ ნიშნავს მეორე ადამიანის დამცირებას. ჩვენ კი ჯიუტად, მხოლოდ ჩვენსას ვამტკიცებთ და სხვისი მოსმენაც არ გვსურს. ერთმა ფილოსოფოსმა თქვა: თანამედროვე კაცობრიობას ფილოსოფოსები აღარ ჰყავს, მხოლოდ კრიტიკოსები დარჩნენო. ყოველი ადამიანი კრიტიკულადაა განწყობილი სხვის მიმართ, ცდილობს სხვის გამოსწორებას, საკუთარ ნაკლს კი ვერ ხედავს; და ამას იქმს მარტოოდენ მოყვასის დასამცირებლად და არა იმიტომ, რომ ამხილოს და გამოასწოროს იგი.
წმინდა ნიკოლოზი ისეთი სასწაულთმოქმედია, რომ მუსულმანები და სხვა რელიგიის წარმომადგენლები ევედრებიან მას და იგი მათაც უსრულებს თხოვნას.
წმინდა ნიკოლოზი შეგეწიოთ თქვენ და სრულიად საქართველოს! წმინდა ნიკოლოზმა მოგცეთ დიდი და მტკიცე მართლმადიდებელი სარწმუნოება, სიყვარული შეუორგულებელი, მტკიცე სასოება, იმედი ღვთისა, იმედი ადამიანისა და იმედი მომავლისა!
ჩვენთან არს ღმერთი!
საქართველოს კათოლიკოს - პატრიარქი ილია ll
უკან დაბრუნება