ჯანმრთელობა და ვადამყოფობა

 

   „ჯანმრთელობა ღვთის უძვირფასესი საჩუქარია"

* * *

„ჯანმრთელობის გარეშე სიმდიდრე - თითქმის იგივეა ადამიანისათვის, რაც მსხვერპლი სულელისათვის ან კარგად მოწყობილი გზა - უფეხოსათვის"

* * *

„ვინც ავადმყოფობას ითმენს და მადლობს უფალს, იგი მოწამეობრივ გვირგვინს ღებულობს"

წმიდა იოანე ოქროპირი

 

 

* * *

„რას არგებს სხეულს, თუ თავად ჯანმრთელია, მაგრამ სულია სუსტი და უძლური?!"

* * *

„ფიზიკური ჯანმრთელობა დროებითია; სულიერ ჯანმრთელობაში კი მთელი მარადიული ცხოვრების საწყისია ჩადებული"

* * *

„უმჯობესია, მთელი ეს ცხოვრება სხეულით იყო ავადმყოფი, მაგრამ სულით - ჯანსაღი, ვიდრე - სხეულით ჯანსაღი იყო და სულით - არა ჯანმრთელი"

* * *

„სხეულისათვის ავადმყოფობა - მწარე სასმელია, სულისათვის კი მაცხოვნებელი მკურნალობა"

* * *

„ფიზიკური სნეულებები სულიერს განწმენდს"

სქიმონაზონი მაკარი

 

 

* * *

„ავადმყოფობა თუმცა სხეულს აწამებს, სულს აცხოვნებს"

* * *

„იშვიათად არის ჯანსაღ სხეულში ჯანსაღი სული, უმეტესწილად იგი უძლურშია"

* * *

„სხეულის სიჯანსაღე ადამიანს უღებს კარს მრავალი ვნებისა და ცოდვისაკენ, სხეულის უძლურება კი მას უხშობს"

წმიდა ტიხონ ზადონელი

 

 

* * *

„ვინც ავადმყოფობას მოთმინებითა და მადლიერებით იტანს, იგი მას ღვაწლში ჩაეთვლება და უფრო მეტადაც"

ღირსი სერაფიმე საროველი

 

 

* * *

„სხეულის სნეულებებში, უწინარეს ყოვლისა, უნდა ვეცადოთ, განვკურნოთ სული"

* * *

„ავადმყოფობისას, ექიმებზე და წამლებზე უწინ, ლოცვით ისარგებლე"

წმიდა ნილოს სინელი