ადამიანები საკუთარ საქმეებში დაყოვნებული მსაჯულნი არიან, სხვისაში კი? სწრაფნი.

 

 

* * *

 

ვინც ბოროტებისადმი კეთილგანწყობილი არ არის, მას დაეჭვება არ შეუძლია.

 

 

 

* * *

 

უმჯობესია, საკუთარ თავზე ცუდი მოისმინო, ვიდრე - სხვაზე თქვა ცუდი.

 

 

 

 

 

წმიდა გრიგოლ ღვთისმეტყველი

 

 

* * *

 

აღსასრულამდე ნურავის დანატრებ და სიკვდილამდე სასოწარკვეთილებას ნუ მიეცემი.

 

 

* * *

 

დაცემული ფეხზე უნდა დააყენო და არა - დასცინო.

 

 

 

* * *

 

ნუ დასცინებ და ნუ განიკითხავ განსაცდელში დაცემულს, არამედ, ხშირად ილოცე, რათა თვითონ არ ჩავარდე განსაცდელში.

 

 

 

წმიდა ეფრემ ასური

 

 

* * *

 

გონს მოიყვანე ცოდვილი, მაგრამ ნუ განიკითხავ დაცემულს; რამეთუ ეს უკანასკნელი ავი საქმეა, პირველი კი - გამოსწორების სურვილი.

 

 

* * *

 

ვინც მოყვასის განმკითხველ ენას განერიდება, ის თვითონაც აარიდებს თავს ავისმეტყველების მანკიერებას.

 

 

 

* * *

 

ნუ ეცდები სხვისი საქმეების გარკვევას; შენშიც მრავლად მოიპოვება იგივე, რაშიც სხვაში ეჭვი გეპარება.

 

 

 

* * *

 

საკუთარ თავს შევაგონოთ - ნუ განვიკითხავთ სხვებს, რადგან ჩვენში საკმაოდ ბევრია ის, რაც სხვაში არ მოგვწონს.

 

 

 

 

წმიდა ნილოს სინელი

 

 

* * *

 

ერთმანეთის დასადანაშაულებლად ყოველთვის მზად ვართ, იმის გამოსწორებას კი, რაშიც თვითონ ვართ დამნაშავენი და სასჯელს ვიმსახურებთ, ყოველთვის ვაყოვნებთ.

 

 

* * *

 

ვისაც მოყვასი სინანულით მწუხარებისაკენ მიჰყავს, ის მას ზიანს არ აყენებს (2 კორ. 7,9).

 

 

* * *

 

თუ სხვისი საქმეების გამოცდა გსურს, მათ კეთილ საქმეებს შეხედე და არა - ბოროტს.

 

 

* * *

 

მოყვასის არათუ განკითხვა, არამედ განკითხვის მოსმენაც კი არ შეიძლება.

 

 

 

* * *

 

ნუ განიკითხავ სხვას, არამედ ეცადე, საკუთარი თავი გამოასწორო, რათა თვითონ არ გახდე განსჯის ღირსი.

 

 

 

 

წმიდა იოანე ოქროპირი

 

 

* * *

 

ვაი ჩვენს უგულისხმოებას, რა ფიცხლად ვსჯით ძმის შეცდომას და მწარედ განვკიცხავთ და იმას არ ვიგონებთ, რომ ზოგიერთ საქმეში ჩვენზე უფრო პატიოსანია.

 

წმიდა ალექსი ბერი

 

 

* * *

 

თუ არ შეგიძლია, რომ განმკითხველი დაადუმო, მაშინ, უკიდურეს შემთხვევაში, მასთან ურთიერთობას მაინც მოერიდე.

 

 

 

* * *

 

ჩუმად მამხილებელი მეგობარი გონიერი ექიმია, ხოლო მრავალთა თვალწინ მკურნალი - მაგინებელია.

 

 

წმიდა ისააკ ასური

 

 

* * *

 

თუნდაც საკუთარი თვალით იხილო ცოდვილი, მაინც ნუ განიკითხავ, რადგან ხშირად თვალებიც ცდებიან.

 

 

წმიდა იოანე კიბისაღმწერელი

 

 

* * *

 

მოყვასის განკითხვა და დაწუნება ყოველთვის ცოდვაა (II, 5).

 

წმიდა გაბრიელ ეპისკოპოსი

 

 

* * *

 

რომლითა განკითხვითა განიკითხვიდეთ, განიკითხნეთ, და რომლითა საწყაულითა მიუწყოთ, მოგეწყოს თქუენ.

 

წმ. მღვდელმთავარი ნიკოლოზ სერბი (ველიმიროვიჩი)

 

 

* * *

 

როცა განიკითხავ, მთელი შენი ნაშრომ - ნაღვაწი განქარდება.

 

ბერი იოსებ ოპიტნელი

 

 

* * *

 

საკუთარი ბოროტი საქმეებიც საკმარისად გაქვს, სხვის ცოდვებს რომ არ უყურო.

 

წმიდა დიმიტრი როსტოველი

 

 

* * *

 

სხვისი განმკითხველი ბეჭედს ასვამს საკუთარ ბოროტ საქმეებს.

 

წმიდა მარკოზ მოსაგრე

 

 

* * *

 

უფრთხილდი ვინმეს განკითხვას მანამ, ვიდრე თვით უფალი განსჯიდეს მას.

 

წმიდა ისიდორე პელუზიელი

 

 

* * *

 

ჩვენი მოყვასის განკითხვის წადილს დავუპირისპიროთ მის ღირსებებზე ფიქრი.

 

არქიმანდრიტი ეპიფანე თეოდოროპულოსი

 

 

* * *

 

ძმაზე, რომელიც იმ წუთას იქ არ არის, განმაქიქებელი არაფერი თქვა: ეს ცილისწამებაა, თუნდაც ნათქვამი სიმართლე იყოს.

 

წმიდა ბასილი დიდი