ადამიანის ნაკლია - არ იცოდეს წმიდა წერილი, მაგრამ ორმაგი ნაკლია, რომ იცის, მაგრამ უგულებელყოფს მას.

 

წმიდა ეფრემ ასური

 

 

* * *

 

ბიბლია არის ერთადერთი წიგნი კაცობრიობისა, რომელიც წარმოგვიდგენს ადამიანს ისეთს, როგორიც იგი იყო და არის საერთოდ: დაცემული და აღმდგარი, აღმდგარი და დაცემული; გვიჩვენებს მის დიდებულ და სუსტ მხარეებს. ბიბლია არ პირფერობს და არც ამცირებს პიროვნებას, არამედ წარმოგვიდგენს მას ისეთს, როგორადაც ხედავს ადამიანს მისი შემოქმედი ღმერთი, ყოვლის მხილველი.

 

 

* * *

 

ბიბლია ხსნის ჩვენი სულის უფაქიზეს შრეებს, თვანლათლივ გვიჩვენებს შედეგს ცოდვისა და ბოროტებისა, შედეგს სიყვარულისა და სიკეთისა, გვიჩვენებს მარადიულ და წარმავალ ღირებულებებს.

 

 

* * *

 

თქვენი ყოველდღიური თანამგზავრი უნდა გახდეს წიგნი და მათ შორის უპირველესი წიგნი - ბიბლია.

 

 

საქართველოს კათოლიკოს - პატრიარქი ილია II

 

 

* * *

 

ვინც ყველაფერში ეთანხმება საღმრთო წერილს, იგი - ქრისტიანია, ხოლო ვინც არ ეთანხმება საღმრთო წერილს, ის შორს დამდგარა ჭეშმარიტებისაგან.

 

 

* * *

 

ვისაც ბიბლია აქვს, იგი მას დიდ სარგებლობას მოუტანს და უდიდეს ნუგეშს მიანიჭებს. ხშირად ამ წმიდა წიგნისაკენ მიმართული მხოლოდ ერთი მზერაც კი ცოდვის ჩადენის სურვილს გვიქარწყლებს.

 

 

* * *

 

რაც ფიზიკური საზრდელია ჩვენთვის - ძალების შესანარჩუნებლად, იგივეა წმიდა წერილის კითხვა სულისათვის.

 

 

* * *

 

სადაც წმიდა სახარება ძევს რწმენითა და ჯეროვანი მოწოწებით, იქ ვერ შევალს ბოროტი სული და ვერ ეცდება ქრისტიანის ცდუნებას.

 

 

* * *

 

საღმრთო წერილის სულ მოკლე გამონათქვამებშიც კი შეგვიძლია უდიდესი ძალა მოვიძიოთ და აზრთა გამოუთქმელი სიმდიდრეც.

 

 

 

* * *

 

ყველას ვურჩევ, შეიძინოს ბიბლია ან, უკიდურეს შემთხვევაში, ახალი აღთქმა! ეს წიგნები ყოველთვის თქვენს განსწავლას წაადგება.

 

 

 

წმიდა იოანე ოქროპირი

 

 

* * *

 

ლოცვისას ჩვენ ვსაუბრობთ ღმერთთან, წმიდა წერილით კი ღმერთი გვესაუბრება.

 

ნეტარი ავგუსტინე

 

 

* * *

 

მოსმენილი ღვთის სიტყვა (მქადაგებელის ბაგიდან ან წაკითხული წმიდა წერილი) მეტად საზიანოდ გადაიქცევა იმისთვის, ვინც ისმენს და მისი მეშვეობით არ გამოსწორდება.

 

წმიდა ტიხონ ზადონელი

 

 

* * *

 

ო, ნეტავ წმიდა წერილის წიგნებით ისე ვსარგებლობდეთ, რომ ჩვენი გული გახდეს წიგნი, რომელიც ღვთის სულის მიერ დაიწერა.

 

2 კორ. 3, 3

 

 

* * *

 

საღმრთო წერილის სიტყვები საქმეებით იკითხე და ნუ მრავალსიტყვაობ მხოლოდ მარტივი გაგებით გაამაყებული.

 

 

* * *

 

საღმრთო წერილის მიხედვით, თუ ქრისტე ჩვენთვის მოკვდა და ჩვენთვის კი არა, არამედ ჩვენთვის მომკვდარისა და აღდგომილისთვის ვცოცხლობთ, მაშინ ცხადია, რომ მას სიკვდილამდე უნდა ვემსახუროთ. მაშ, როგორ შეგვიძლია, ძეობა კუთვნილად მივიჩნიოთ?!

 

 

წმინდა მარკოზ განშორებული

 

 

* * *

 

ნუ იკადრებ სახარებისა და სხვა წმიდა წიგნთა თვითონ განმარტებას - სულიწმიდამ უკვე განმარტა იგი წმიდა მამათა მეშვეობით და მით არის სიტყვა უფლისა სიტყვა მაცხოვნებელი, ხოლო კადნიერ განმმარტებელთათვის ნება სიკვდილისა, მახვილი ორლესული, რომლითაც შეიმუსრავენ თავსა თვისსა სამარადისოდ.

 

წმ. მამა ეგნატე ბრიანჩანინოვი