„ადამიანს ვნებებისაგან სრულად თავისუფლება არ ძალუძს. შეიძლება, ისინი ნებისყოფას დაუმორჩილო, მაგრამ შეუძლებელია, რომ საერთოდ არ გქონდეს".

 

 * * *

„ვნებები ცეცხლოვან მთას ჰგავს, რომელიც თავის გარშემო სულ მალე სიცარიელესა და საშინელებას ტოვებს".

 

წმიდა იოანე ოქროპირი

 

 

* * *

„ვნებები წმიდანებსაც აქვთ; მაგრამ ისინი მათ აცხრობენ".

 

ამბა აბრაამი

 

 

* * *

„ეცადე, ყოველთვის შენ გაიმარჯვო ვნებებზე, ვიდრე - მათ დაგამარცხონ".

 

 

* * *

„გულმა ჭეშმარიტი მშვიდობა მხოლოდ ვნებებთან წინააღმდეგობით შეიძლება, დაიმკვიდროს და არა - მათი მსახურებით".

 

წმიდა ნილოს სინელი

 

 

 

* * *

„ქარიშხალში ჩირაღდანი ქრება; ასევე ვნებების ქარიშხალისაგან გონება იბინდება".

 

 

* * *

„ვნება ხშირად ბუნებრივსაც შერყვნის: ბუნებრივშიც არაბუნებრივს ხედავს, არაბუნებრივს ამართლებს, როგორც - ბუნებრივს".

 

 

* * *

„ვიდრე ხორცი ვნებებისთვის მუშაობს, მანამდე სული ღმერთს არ იცნობს".

 

 

* * *

„ვიდრე საკუთარ თავში ამა თუ იმ ვნებას ვკვებავთ, ნეტარი ცხოვრებისათვის არ ვმწიფდებით".

 

 

* * *

„ვნებები ერთმანეთს ჯაჭვის რგოლებივით მოსდევენ".

 

* * *

„ღვთის მონად არ ითვლება ის, ვინც ვნებებს ემსახურება: იგი იმის მონაა, ვინც მას ფლობს".

 

ამბა ისაია

 

 

* * *

„მტკივნეულია ვნებისგან განშორება, მაგრამ იმაზე მეტად არა, ვიდრე - მარადიული ტანჯვა".

 

წმიდა ტიხონ ზადონელი

 

 

* * *

„ვნებებით გატაცებული მისი მონა ხდება".

 

ამბა ნესტორი

 

 

* * *

„ვინც დასაწყისიდანვე ეწინააღმდეგება ვნებებს, იგი მალე გაიმარჯვებს მათზე".

 

წმიდა ისააკ ასური

 

 

* * *

„სრული უშფოთველობა მას აქვს, ვისაც არ გააჩნია ვნება - არც საგნების მიმართ და არც - მასზე მოგონებები".

 

ამბა ფალასი