სიტყვა სათნო და მორჩილ მეუღლეებზე

   როგორ უნდა მოიქცნენ ქრისტიანი მეუღლეები, რათა უფლისა და ხალხის ქება დაიმსახურონ? რა გიპასუხოთ ამაზე?

   სვინაქსარის 23 ივლისის საკითხავში ვკითხულობთ: უფალმა უთხ-რა ევას: (დაბ. 3,16). ცოლი, რომელიც მეუღლეს ემორჩილება, პირველ რიგში იცავს უფლის მცნებას და კურთხეული იქნება უფლისაგან. ასეთი ქალები ხალხის ქებას იმსახურებენ. სათნო, შრომისმოყვარე და უსიტყვოდ მორჩილი ცოლი ქმრის შემამკობელი გვირგვინია. ის, ვინც სათნოებებით აღსავსე ცოლს შეირთავს, მხოლოდ კეთილ ნაყოფს მოიმკის ოჯახში და ცხოვრებას კეთილად გაასრულებს. ასევე დიდი ბედნიერებაა მოკრძალებული მეუღლის ყოლა.

   ქალები ჩუმად და მოკრძალებით უნდა იდგნენ ეკლესიაში, ვინაი-დან მოციქული მათ ეკლესიის წიაღში საუბარს უკრძალავს. თუკი რამის შეტყობა სურთ, დაე, სახლში შეეკითხონ თავიანთ ქმრებს. ეკლესიაში საუბარი ქალებს ცოდვაში ჩაეთვლებათ, ამიტომ, უნდა ისწავლონ მდუმარება და მორჩილება, რის გამოც უფალი აკურთხებს მათ.

   აი, რა არის საჭირო ქრისტიანის ცოლისათვის, რათა უფლისა და ხალხის კეთილგანწყობა დაიმსახუროს: მორჩილება, სათნოება, კეთი-ლი გული, შრომისმოყვარეობა, ენის მოზღუდვა და უფლის მიმართ ლოცვა. ყველა ეს სიკეთე, გარდა იმისა, რომ ქებას იმსახურებს, ოჯა-ხსაც აბედნიერებს. კეთილი ცოლის პატრონის ოჯახიდან სათნოებები იფრქვევა, დიახ, სწორედ ასეთ სიკეთეს იმკის კარგი ცოლის პატრონი ბედნიერი ქმარი. ასეთი დედისა და ცოლის პატრონი ოჯახი, უკვე სამოთხეა, იქ უფლის ანგელოზები ივანებენ და ყველა ოჯახის წევრს უფალი აკურთხებს.

   კიდევ ერთხელ გავიმეორებ, ბედნიერია ის კაცი, რომელსაც ასეთი მეუღლე ჰყავს! სოლომონის თქმით: ასეთი ქალი მარგალიტზე უფრო ძვირად ფასობს. ვინ იპოვის გამრჯე დედაკაცს? მარგალიტზე ძვირია მისი ფასი (იგავ. 31,10), იგი ბაგეებს სიბრძნისთვის ხსნის, ენაზე მორჩილების ბორკილი ადევს (იგავ. 31,25,28), ბავშვებიც შენა-ტრიან და ქმარიც აფასებს ასეთ ქალს (იგავ. 31,29). ამინ.

„სვინაქსარი". ტომი II.